॥ श्रीगङ्गास्तोत्र ॥ Shri Ganga Stotra

Posted by admin 01/03/2016 0 Comment(s) Astrology,Mantras,

॥ श्रीगङ्गास्तोत्र ॥
|| SrIga~ggAstotr ||

 

देवि सुरेश्वरि भगवति गङ्गे त्रिभुवनतारिणि तरल तरङ्गे ।
शङ्कर मौलिविहारिणि विमले मम मति रास्तां तव पद कमले  ॥ १॥

devi sureSvari Bagavati ga~gge triBuvanatAriNi taral tara~gge |
Sa~gkar maulivihAriNi vimale mam mati rAstAM tav pad kamale  || 1||

 

भागिरथि सुखदायिनि मातः तव जलमहिमा निगमे ख्यातः ।
नाहं जाने तव महिमानं पाहि कृपामयि मामज्नानम् ॥ २॥

BAgirathi suKadAyini mAtaH tav jalamahimA nigame KyAtaH |
nAhaM jAne tav mahimAnaM pAhi kRupAmayi mAmajnAnam^^ || 2||

 

हरि पद पाद्य तरङ्गिणि गङ्गे हिमविधुमुक्ताधवलतरङ्गे ।
दूरीकुरु मम दुष्कृति भारं कुरु कृपया भव सागर पारम् ॥ ३॥

hari pad pAdy tara~ggiNi ga~gge himavidhumuktAdhavalatara~gge |
dUrIkuru mam duShkRuti BAraM kuru kRupayA Bav sAgar pAram^^ || 3||

 

तव जलममलं येन निपीतं परमपदं खलु तेन गृहीतम् ।
मातर्गङ्गे त्वयि यो भक्तः किल तं द्रष्टुं न यमः शक्तः ॥ ४॥

tav jalamamalaM yen nipItaM paramapadaM Kalu ten gRuhItam^^ |
mAtarga~gge tvayi yo BaktaH kil taM draShTuM n yamaH SaktaH || 4||

 

पतितोद्धारिणि जाह्नवि गङ्गे खण्डित गिरिवरमण्डित भङ्गे ।
भीष्म जननि हे मुनिवरकन्ये पतितनिवारिणि त्रिभुवन धन्ये ॥ ५॥

patitoddhAriNi jAhnavi ga~gge KaNDit girivaramaNDit Ba~gge |
BIShm janani he munivarakanye patitanivAriNi triBuvan dhanye || 5||

 

कल्पलतामिव फलदाम् लोके प्रणमति यस्त्वां न पतति शोके ।
पारावारविहारिणि गङ्गे विमुखयुवति कृततरलापाङ्गे ॥ ६॥

kalpalatAmiv PaladAm^^ loke praNamati yastvAM n patati Soke |
pArAvAravihAriNi ga~gge vimuKayuvati kRutataralApA~gge || 6||

 

तव चेन्मातः स्रोतः स्नातः पुनरपि जठरे सोपि न जातः ।
नरकनिवारिणि जाह्नवि गङ्गे कलुषविनाशिनि महिमोत्तुङ्गे ॥ ७॥

tav cenmAtaH srotaH snAtaH punarapi jaThare sopi n jAtaH |
narakanivAriNi jAhnavi ga~gge kaluShavinASini mahimottu~gge || 7||

 

पुनरसदङ्गे पुण्यतरङ्गे जय जय जाह्नवि करुणापाङ्गे ।
इन्द्रमुकुटमणिराजितचरणे सुखदे शुभदे भृत्यशरण्ये ॥ ८॥

punarasada~gge puNyatara~gge jay jay jAhnavi karuNApA~gge |
indramukuTamaNirAjitacaraNe suKade SuBade BRutyaSaraNye || 8||

 

रोगं शोकं तापं पापं हर मे भगवति कुमति कलापम् ।
त्रिभुवनसारे वसुधाहारे त्वमसि गतिर्मम खलु संसारे ॥ ९॥

rogaM SokaM tApaM pApaM har me Bagavati kumati kalApam^^ |
triBuvanasAre vasudhAhAre tvamasi gatirmam Kalu saMsAre || 9||

 

अलकानन्दे परमानन्दे कुरु करुणामयि कातरवन्द्ये ।
तव तट निकटे यस्य निवासः खलु वैकुण्ठे तस्य निवासः ॥ १०॥

alakAnande paramAnande kuru karuNAmayi kAtaravandye |
tav taT nikaTe yasy nivAsaH Kalu vaikuNThe tasy nivAsaH || 10||

 

वरमिह मीरे कमठो मीनः किं वा तीरे शरटः क्षीणः ।
अथवा श्वपचो मलिनो दीनः तव न हि दूरे नृपतिकुलीनः ॥ ११॥

varamih mIre kamaTho mInaH kiM vA tIre SaraTaH kShINaH |
athavA Svapaco malino dInaH tav n hi dUre nRupatikulInaH || 11||

 

भो भुवनेश्वरि पुण्ये धन्ये देवि द्रवमयि मुनिवरकन्ये ।
गङ्गास्तवमिमममलं नित्यं पठति नरो यः स जयति सत्यम् ॥ १२॥

Bo BuvaneSvari puNye dhanye devi dravamayi munivarakanye |
ga~ggAstavamimamamalaM nityaM paThati naro yaH s jayati satyam^^ || 12||

 

येषां हृदये गङ्गा भक्तिः तेषां भवति सदा सुखमुक्तिः ।
मधुराकन्ता पञ्झटिकाभिः परमानन्दकलित ललिताभिः ॥ १३॥

yeShAM hRudaye ga~ggA BaktiH teShAM Bavati sadA suKamuktiH |
madhurAkantA pa~jJaTikABiH paramAnandakalit lalitABiH || 13||

 

गङ्गास्तोत्रमिदं भवसारं वाञ्छितफलदम् विमलं सारम् ।
शङ्करसेवक शङ्कर रचितं पठति सुखीः तव इति च समाप्तम् ॥ १४॥

ga~ggAstotramidaM BavasAraM vA~jCitaPaladam^^ vimalaM sAram^^ |
Sa~gkarasevak Sa~gkar racitaM paThati suKIH tav iti c samAptam^^ || 14||

 

॥ इति श्रीमच्छङ्कराचार्यविरचितं गङ्गास्तोत्रं सम्पूर्णम् ॥
|| iti SrImacCa~gkarAcAryaviracitaM ga~ggAstotraM sampUrNam^^ ||

Leave a Comment